ایران نفت باخانی روستم قاسمی، ایرانا یؤنه‌لیک نفت
یاپدیریمینین نفت قیمت‌لری‌نین یوکسلمه‌سینه سبب اولاجاغینی سؤیله‌دی. ریا
نوووستییه اؤزل آچیقلاما وئرن قاسمی، "اگر نفت اورتیچی‌سی شیرکت‌لر بیر
قیسیم چتین‌لیک‌لرله قارشی قارشییا قالسا طبیعی اولا‌راق قیمت‌لر آرتار"
دئدی. ایران نفت باخانینا گؤره گونده ٤ میلیون بوشقا نفت اورتیمی یاپان
تهران، بونون یاری‌سینی صادر ائدیر. نوکلئر پروقرامی سببی ایله جولای
آیین‌دان بو یانا باتیلی اؤلکه‌لرین یاپدیریمی ایله قارشی قارشییا قالان
ایرانین صادراتی یوزده ٤۰ آزالدی.
آمریکا یونگول خام نفتین قیمتی ۱٦ سنت دوشه‌رک ۹٦،۳۱
دوللارا گئریلرکن، برنت تیپی نفتین بوشقاسی ایسه ۱۹ سنت دوشوشله ۱۱٤،۳۸
دوللاردان ایشلم گؤرور. ایران‌لی باخان قاسمی استقرار فوندونون یوزده اون
سککیزینی نفت و طبیعی گاز سئکتورونون گلیشمه‌سی اوچون خرجله‌یه‌جکلرینی
سؤیله‌دی. غیری صافی میللی گلیرین هر ایل استقرار فوندونا کؤچورولدوگونو
ایفاده ائدن باخان، "۲۰۱۲-۲۰۱۳ده استقرار فوندون‌دان ۱٤ میلیارد دولار نفت و
طبیعی گاز سئکتورونون گلیشمه‌سی اوچون خرجله‌یه‌جییک. باشقا سؤزله
سئکتوردا هر هانسی بیر چتین‌لیک گؤزلمیریک" دئدی.
۲۰۱۰ وئریلرینه گؤره ایرانین استقرار فونوندا ٤۰ میلیارد
دولار وار. تهرانین روس نفت شیرکت‌لری ایله نفت و طبیعی گاز ساحه‌لرینده
امکداش‌لیغی گلیشدیرمک ایستدیگینه توخونان باخان، هله اورتاق بیر پروژه
اولمادیغی‌نی دا وورغولادی. قاسمی، "نفت و طبیعی گاز سئکتوروندا روسیانین
امکداشلیغا حاضر اولدوغو یؤنونده‌کی دگرلندیرمه‌لری بیزی موتلو ائدر. بیز
مثبت سونوجلار آلاجاغیمیزی اومید ائدیریک" شکلینده دانیشدی. روس شیرکت‌لر
باتیلی بازارلاردا سورون یاشاما قورخوسو ایله ایرانلا امکداشلیغا یاناشمیر.
آمریکا، ایسراییل و چوخ ساییدا آوروپا بیرلیگی اؤلکه‌سی، ایرانین سیویل
آماجلی نوکلئر پروقرامی‌نین هدفی‌نین، نوکلئر سلاح اولماسین‌دان
راحات‌سیزلیق دویور. ادعا‌لاری رد ائدن تهران، باریشجیل آماجلی انرژی
چیخارماق ایستدیک‌لرینی ساوونور.
هیچ نظری موجود نیست:
ارسال یک نظر