آذربایجان جمهوریتی ایرانی ایکینجی کز اویاردی
ایرانا داها اؤنجه وئریلن نوتایا جاواب آلینا‌مماما‌سی
اوزرینه آذربایجان خاریجی ایشلر باخانلیغی تهران یؤنتیمینی ایکینجی بیر
نوتا ایله اویاردی. یاخلاشیق آلتی آی اؤنجه ایران طرفین‌دن توتوقلانان ایکی
آذربایجان‌لی شاعر، فرید حسین و شهریار گرانینین سربست بوراخیلماسی و
اونلارا یاپیلان سوچلامالاری اؤیرنمک اوچون آذربایجان خاریجی ایشلر
باخانلیغی ایرانا نوتا وئرمیشدی. آنجاق آرا‌دان گئچن او قدر گونه
باخمایا‌راق ایران اورقان‌لاری رسمی بیر آچیقلاما وئرمه‌دی.
وئریلن نوتا جاواب‌سیز قالدی.
بونون اوزرینه آذربایجان، ویانا کنوانسیونو یؤنونده
ایرانی، ایکینجی دفعه وئردیگی نوتایلا اویاردی. ویانا آنلاشماسینا گؤره بیر
اؤلکه‌یه وئریلن نوتانین مقبول بیر مدت ایچری‌سینده جاوابلاندیریلماسی
گرکلی‌دیر. اگر وئریلن نوتا‌لار جاواب‌سیز قالیرسا، ائلچینین گئری
چئکیلمه‌سی، قونونون اولوسلارآراسی پلاتفورمایا داشینماسی و ایکی اؤلکه
آراسین‌داکی دیپلوماتیک ایلیشکی‌لرین دوندورولماسی گوندمه گله‌بیلیر. ایران
قایناق‌لی، رسمی اولمایان آچیقلامالارا گؤره ایکی آذربایجان‌لی شاعر،
اویوشدوروجو ماده ساخلاما و ایسراییل گیزلی سرویسی موساد اوچون جاسوسلوق
ائتمه سوچلارییلا جزالاندیریلدی. آنجاق آذربایجان خاریجی ایشلر باخانلیغی
مطبوعات سؤزچوسو بوتون بو اتهام‌لاری رد ائده‌رک، بئله‌سی بیر توتومون ایکی
اؤلکه آراسین‌داکی ایلیشکی‌لره ضرر وئرجگینی سؤیله‌دی.
هیچ نظری موجود نیست:
ارسال یک نظر